मकवानपुर । अविरल वर्षाका कारण हेटौँडालाई काठमाडौँ जोड्ने अधिकांश सडक सञ्जाल अवरुद्ध भएका छन् । विषेशगरी मधेसलाई राजधानीसँग जोड्ने हेटौँडाका अधिकांश सडक खण्डहरू पहिरोका कारण अवरुद्ध भएका हुन् ।
विभिन्न स्थानमा गएको पहिरो, सडक भासिएको र विद्युतका पोल ढलेका कारण यातायात सेवा प्रभावित भएको जिल्ला प्रहरी कार्यालय मकवानपुरले जनाएको छ । हाल काठमाडौँ आवतजावतका लागि त्रिभुवन राजपथ मात्रै सञ्चालनमा रहेको छ । सो बाहेक अन्य मार्गहरू अवरुद्ध भएपछि अत्यावश्यक सामग्री तथा सवारी साधनहरूका लागि अहिले त्रिभुवन राजपथ भएर सञ्चालन गरिएको छ ।
हेटौँडा काठमाडौँ जोड्ने कान्ति लोकपथको मकवानपुरतर्फको सडक खण्ड सञ्चालन योग्य रहेको छ । यद्यपि सो लोकमार्गको ललितपुरको बागमती गाउँपालिका–३ पाँचधुरे र टाँकुर्चे क्षेत्रमा पहिरो खस्दा सडक पूर्ण रूपमा अवरुद्ध भएको जिल्ला प्रहरी कार्यालय मकवानपुरका प्रवक्ता माधव काफ्लेले जानकारी दिए ।
सम्बन्धित खवर
तपाईंको प्रतिक्रिया दिनुहोस्
प्रतिक्रिया प्रकाशनअघि हाम्रो सम्पादकीय टोलीले समीक्षा गर्नेछ। तपाईंको इमेल सार्वजनिक गरिने छैन।