अख्तियार दुरूपयोग अनुसन्धान आयोगको टोलीले राहदानी विभागका महानिर्देशक तीर्थराज अर्याललाई नियन्त्रणमा लिएको छ।
अर्याललाई मंगलबार नियन्त्रणमा लिएको स्रोतले पुष्टि गरेको छ।
पासपोर्टको आपूर्तिको विषयमा उनलाई नियन्त्रणमा लिएर बयान लिन सुरू गरिएको हो।
‘सोधपुछको काम भइरहेको छ,’ स्रोतले भन्यो, ‘अख्तियारले हिजो साँझ आएर कागजात लिएर गएको थियो।’
महानिर्देशक अर्याल सोमबार प्रधानमन्त्री कार्यालय पनि गएका थिए। प्रधानमन्त्रीलाई भेट्न भन्दै उनी प्रधानमन्त्री कार्यालय गएका थिए।
त्यस्तै प्रिन्टिङ कम्पनी भेरिडियसका संचालक सिद्धार्थ थापालाई पनि नियन्त्रणमा लिएर अनुसन्धान अघि बढाएको छ। सिद्धार्थ नेपाली कांग्रेसका राष्ट्रिय सभा सांसद सुनिल थापाका छोरा र पूर्वप्रधानमन्त्री सूर्यबहादुर थापाका नाति हुन्।
सूचना प्रविधिका निर्देशक सुनिलकुमार केसीलाई पनि प्रहरीले नियन्त्रणमा लिएको हो।*
*यसअघि अन्यथा पर्न गएकोमा सच्याइएको छ- सम्पादक
सम्बन्धित खवर
तपाईंको प्रतिक्रिया दिनुहोस्
प्रतिक्रिया प्रकाशनअघि हाम्रो सम्पादकीय टोलीले समीक्षा गर्नेछ। तपाईंको इमेल सार्वजनिक गरिने छैन।