काठमाडौं । काठमाडौं विश्वविद्यालयको उपकुलपति छनोट प्रक्रिया आज निर्णायक चरणमा पुगेको छ। उपकुलपति पदका लागि छनोट भएका उम्मेदवारहरूले आज आफ्नो कार्ययोजना प्रस्तुत गर्नुका साथै अन्तर्वार्तामा सहभागी हुँदैछन्।

शिक्षा तथा खेलकुद मन्त्रालयमा हुने प्रस्तुतीकरण र अन्तर्वार्ताका लागि १० जना उम्मेदवारको नाम अन्तिम सूचीमा राखिएको थियो। तर उम्मेदवार निरञ्जन पराजुलीले प्रक्रियामा सहभागी नहुने घोषणा गरेपछि आज ९ जना उम्मेदवार मात्रै उपस्थित हुनेछन्।

उम्मेदवारहरूको प्रस्तुतीकरण र अन्तर्वार्तापछि छनोट तथा सिफारिस समितिले मूल्यांकन गर्नेछ। त्यसपछि समितिले उपकुलपतिका लागि योग्य उम्मेदवारको नाम सिफारिस गर्ने प्रक्रिया अघि बढाउनेछ।