काठमाडौं: नेपाल शिक्षक महासंघले आफ्ना मागहरू पूरा नभएको भन्दै भदौदेखि देशव्यापी आन्दोलन सुरु गर्ने घोषणा गरेको छ। महासंघले विद्यालय शिक्षा ऐन तत्काल जारी गर्न, सरकारसँग भएका विगतका सहमतिहरू कार्यान्वयन गर्न र शिक्षक–कर्मचारीका सेवा–सुविधा सुनिश्चित गर्न माग गरेको छ।

महासंघका मुख्य मागहरू:विद्यालय शिक्षा ऐन तत्काल जारी गर्ने।सरकारसँग भएको ९ बुँदे सहमति कार्यान्वयन गर्ने।शिक्षक तथा विद्यालय कर्मचारीको तलब, भत्ता र सेवासुविधा सुधार गर्ने।अस्थायी, राहत र करार शिक्षकको सेवासुरक्षा सुनिश्चित गर्ने। प्रारम्भिक बालविकास (ECD) शिक्षक र विद्यालय कर्मचारीलाई उचित पारिश्रमिक उपलब्ध गराउने। शिक्षामा राष्ट्रिय बजेटको २० प्रतिशत विनियोजन गर्ने। निजी विद्यालयका शिक्षक–कर्मचारीको सेवा र अधिकार सुनिश्चित गर्ने। शिक्षकमाथि हुने दुर्व्यवहार रोक्न कानुनी संरक्षणको व्यवस्था गर्ने।महासंघले मागहरू सम्बोधन नभए देशभर चरणबद्ध आन्दोलनका कार्यक्रम सञ्चालन गर्ने चेतावनी दिएको छ।