बुटवल। नेपाली कांग्रेसको १५औँ महाधिवेशनअन्तर्गत बुटवल उपमहानगर समितिको नयाँ नेतृत्व चयनका लागि दुई प्यानल चुनावी मैदानमा उत्रिएका छन्।
बुटवल उपमहानगर समितिको नेतृत्वका लागि वर्तमान उपसभापति ज्योति भण्डारी र जितबहादुर मल्लले छुट्टाछुट्टै प्यानल बनाएर प्रतिस्पर्धामा उत्रिएका हुन्।भण्डारी नेतृत्वको प्यानलबाट उपसभापतिमा गणेश घिमिरे, महिला उपसभापतिमा गंगा पन्थी, सचिवमा अर्जुन गिरी र सहसचिवमा नारायण खनाल उम्मेदवार बनेका छन्।
त्यस्तै, मल्ल नेतृत्वको प्यानलबाट उपसभापतिमा तीर्थराज काफ्ले, महिला उपसभापतिमा करुणा मल्ल, सचिवमा रमेशप्रसाद अधिकारी र सहसचिवमा सूर्यप्रसाद काफ्ले उम्मेदवार रहेका छन् ।
सभापतिका लागि दुई जनाको उम्मेदवारी दर्ता भएको र अहिले मतदाता परिचय तथा निर्वाचनसम्बन्धी प्रक्रिया अघि बढिरहेको निर्वाचन अधिकृत जीव नारायण अधिकारीले जानकारी दिए ।
यसअघि नगर अधिवेशनको उद्घाटन गर्दै कांग्रेस नेता बालकृष्ण खाणले पार्टीको केन्द्रीय नेतृत्व चयनदेखि स्थानीय तहसम्म सकेसम्म सहमति र एकताका साथ अघि बढ्न कार्यकर्तालाई आग्रह गरेका थिए ।
उनले विभिन्न तहमा सहमतिका लागि प्रयास भइरहेको भन्दै सहमति हुन नसकेको अवस्थामा लोकतान्त्रिक पद्धतिअनुसार मैत्रीपूर्ण प्रतिस्पर्धामार्फत नेतृत्व चयन गर्नुपर्ने बताएका थिए ।
कांग्रेसको १५औँ महाधिवेशनअन्तर्गत विभिन्न तहका अधिवेशनको प्रक्रिया अघि बढिरहेको छ ।
सम्बन्धित खवर
तपाईंको प्रतिक्रिया दिनुहोस्
प्रतिक्रिया प्रकाशनअघि हाम्रो सम्पादकीय टोलीले समीक्षा गर्नेछ। तपाईंको इमेल सार्वजनिक गरिने छैन।