काठमाडौं । नेपालगन्जबाट डोल्पा गएको सीता एयरको जहाज डोल्पा विमानस्थलमा अवतरणका क्रममा दुर्घटना हुँदा ल्याडिङ गियरमा क्षति पुगेको छ । जहाजमा रहेका १३ यात्रु र तीन जना चालक दलका सदस्य सबै सकुशल रहेको नेपाल नागरिक उड्डयन प्राधिकरणले जनाएको छ ।
प्राधिकरणका अनुसार बिहीबार बिहान ८ः२५ बजे सीता एयरको डोर्नियर जहाज डोल्पा विमानस्थलको धावनमार्गमा अवतरण गर्ने क्रममा ल्याडिङ रोलका बेला ल्याडिङ गियरमा समस्या आएको हो । त्यसपछि जहाज धावनमार्गमै रोकिएको थियो ।
डोल्पाको जुफाल विमानस्थलमा अवतरण गर्ने क्रममा सीता एयरको विमानको पछाडिको दायाँ पाङ्ग्रा खुस्किएपछि विमान रनवेमा रोकिएको हो। विमानमा रहेका १३ जना यात्रु सकुशल रहेको जनाइएको छ।विमान दुर्घटनाको वास्तविक प्राविधिक कारण भने खुल्न बाँकी छ। घटनापछि प्राविधिक टोलीले विमानको निरीक्षण गरिरहेको छ।
सम्बन्धित खवर
तपाईंको प्रतिक्रिया दिनुहोस्
प्रतिक्रिया प्रकाशनअघि हाम्रो सम्पादकीय टोलीले समीक्षा गर्नेछ। तपाईंको इमेल सार्वजनिक गरिने छैन।