काठमाडौँ । आन्तरिक राजस्व विभागले वस्तु तथा सेवा खरिद गर्दा अनिवार्य रूपमा बिक्री बिल लिन उपभोक्तालाई आग्रह गरेको छ। विभागले कर अनुपालन अभिवृद्धि, वास्तविक कारोबार अभिलेखीकरण र बिजक लिने-दिने संस्कृतिको विकास गर्ने उद्देश्यले यस्तो आग्रह गरेको हो।

सूचनामा हालसम्म स्थायी लेखा नम्बर नलिई व्यवसाय सञ्चालन गरिरहेका व्यवसायीलाई तत्काल स्थायी लेखा नम्बर लिई कर प्रणालीमा आबद्ध हुन आग्रह गरिएको छ।विभागले सार्वजनिक सूचना जारी गर्दै वस्तु तथा सेवा खरिद गर्ने क्रममा उपभोक्ताले अनिवार्य रूपमा खरिद बिल लिनुपर्ने जनाएको छ। विभागका अनुसार करदाता प्रोत्साहनस्वरूप सञ्चालन भइरहेको बिजकसम्बन्धी उपहार कार्यक्रममा सहभागी हुनसमेत खरिद बिल आवश्यक पर्नेछ।